-------------------------------------------------------- ------------------------------------------------------------------
--------------------------------------------------------------- --------------------------------------------------------------------- -------------------------------------------------------------------

إضافة رد
 
أدوات الموضوع انواع عرض الموضوع
  #1  
قديم 09-15-2020, 07:02 PM
سات فور سات فور غير متواجد حالياً
Senior Member
 
تاريخ التسجيل: Dec 2019
المشاركات: 3,027
افتراضي نصائح في الطبخ منقولة

للاستفادة

#منقوووووول

35 سر🙊 يخلي #ماكلتگ_بنينة😎👌
.
1: قبل ما تبداي الطياب سمي بسم الله💗👌 و انوي في الماكلة اللي رايحة تطيبيها و احبيها
2: سر المرقة باش تجى بنينة هى انك ترابى البصل و تقليه مليح😎👌 مع اللحم و الطماطم و من بعد تزيدى الماء الساخن ماشي ترمي كلش مع بعض😌
3: باش البقول الجافة تطيب مليح و بسرعة متديريش الطماطم✋ في الاول كي تطيب المرقة نتاعك ضيفيلها الطماطم و خليها تغلي شوية😍👌
4: باش اطيب الحمص او اللوبيا بسرعة فبيتيه في الماء و خلاص مديري لا خميرة كيميائية لاا وااالو😌👌
5: العدس اذا طاابلك يااااااسر نعطيك فكرة روحي حوليه حريرة ههههه و حق ربي جربتها غير يجي بنييييييييين خير من يكون مرقة
6: الحوايج المقليية كاشوفلور و البوراك ...الخ ديييما حطي معاهم القااارص
9:كي طيبي الارز حركيه بالفرشيطة مش بالملعقة باش ميتفتتش الارز ويحافظ على قوامو
10:الطعام رشيه بالماء و الزيت ماشي بالماء وحدو
11: قبل ماديري الغراتات في الفور ننصحك ادهني المول بزبدة مهماا كان نوع الغراتان
12: اذا طيبتي مرقة و جاتك خفيفة ديري مغرف فرينة و لا مايزينة في شوية ما و زيديهم فالطياب يخثار عن تجربة و الله
13: تحبى يجيك القريوش خفيف وبنين ضيفى للعجينه مغرف كبيرة نشاء
14:كي تتحرق الكيك من فوق نحي الطبقة المحروقة بسكين و دردري سكر قلاصي في بلاصتها و رجعيها للفور رح تتشكل طبقة اخرى لذيذة ( هاذي قالتهالي وحدة انا مجربتش )
15: باش تجي طيابك بنين كل مرقة خصيلها لعقاقر تاوعها مثلا الجاج يحب الزنجبيل الجلبانة تحب القرفة البصل ولكركم وراس حانوت مخلط الوبيا موشطو تحب البصل والقرفة والزيت ولا سمن بزاف الزيتون يحب الرند اللحم والمرقة الحمرا تحب الكمون والثوم والحشايش لحريرة تحب لكرافس وكل وحدة ولمستها
16: كي تحفري بطاطا و القرعة تاع دولما قبل ما ديرو الحشو اطليوها بالملح ما تجيش صامطة
17: باش اجيك الرشتة العاصمية بنينة اسكرفجي حبة لفت مع البصل للتقلية
18 :باش يجيك اللحم المرحي نتاع المتوّم طري زيديلو مغرفة سميد و لا شوية تاع روز شويية بررك
19: باش يجيك الكايك والمسكوتشو خفيف ديري حبة ياوورت
20: باش تجي الطبخة بنينة لازم تطيب على نار هادئة و ما تقوعديش غير تزيدي فالماء لأن لبنة تاع الماكلة تروح كامل يعني لازم تجي الماكلة مجمرة
21 :حتى تتحصلو على عجين سهل العجن بلوه بالماء فقط وخلوه يرتاح ومن يعد اعجنوه مليييح رايحين تلاحظو انه العجين ليه ليه تعجن ثم اضيفو الملح وزيدو اعجنو
22: غلي البيض في الماء وشويا خل باه مايتكسرش قشر البيضة و يخرج البياض وهو يغلي و اضيفي للماء شوية تع الملح باش يطيب بالخف
23: للحصول على عجين طايب واحمر اضيفو الحليب غبرة
24: باه تتحصلي على زيتون طري لاستعماله في طاجين الزيتون غلي الزيتون ربع ساعة ومن يعد صفيه و غليه للمرة الثانية مع قليل من الخميرة الكيميائية بشرط يكون لما سخون بزاف وخليه يغلي مدة 20د ومن بعد صفيه وحطيه في ما عادي ليلة كاملة مع اضافة مغرف كبيرة نشا لازالة الملوحة والمرورة منو وغدوا صفيه ويحمص في قليل من الزبدة ويرمى في المرق
25: الزيتون وباه تحافضي على اللون ترقديه من قبل في شوي ماء وفرينة ومن بعد تغليه مع شوي سكر
26 : كي تحطي اللوبيا تتشمخ حطي معاها حبة بطاطا مقشرة هكذا الوبيا ما تضركش و يحكموكش لا غازات و لا وجع و كولي لوبيا كيما تحبي خصوصا اللي عندهم القولون مساكن محرومين منها
27: باش يجيك الدجاج عندو بنة كيما الي عند الطبابخة ديري توابل خاصة للدجاج تشريها من عند العشاب و ماتنسايش الثوم المرحي
28:إذا كان اللحم🍖 شارف و محبش اطيب، حطي قلب تمر في الطنجرة (وما تنسيش تنحيه كطيب الاكل)
29: لإزالة روائح الأكل من الفرن و خاصة رائحة السمك، بعد ان تخرجي الطعام من الفرن ضعي نصف ليمونة ستمطس كل الروائح )أكيد بعد إطفاء الفرن
30:اذا بغيتي الروز المفور وعندك غير العادي واش ديري؟؟؟؟؟؟ 😕
نقي الروز العادي ورشيه بالزيت وحدوا بلا ماء وفوريه فوره واحده وامبعد لوحيه بالماء سخون مع رشه ملح 10دقايق وقطريه وفوريه الفوره الاخيره ديرولوا الزبده
يجيك فوررررر كل حبه وحدها كيما المفور والبنه احسن منه
31 : حلي عجينة البيتزا و المعجناات ..... دايما بالنشا بدل الفرينة تجي خفيفة
32 : باه تكسري لحماضة نتاع صوص طماطم زيدي مغرفة سكر
33: اذا جاتك المرقة مااالحة بزااف متخافيش ارمي عليها قطع بطاطا و رح تمص هذاك الملح
34: مثلااا بقاولك شوية ماعن مغسلتيهمش و خلاصلك الصابون اغسليهم بالتلاوة تع القهوة و الله عن تجررررررربة يرووح كامل الدسم اللي في الماعن كي شغل راكي تغسلي بالصاابون هذي قالتهالي جدااتي بكري كانو يغسلو بيها
35: باه تروح ريحة الحوت🐟 #حويتشة احم فگرتي فروحي 😂 المهم من الكوزينة ديري في كاسرولة ماء وعود قرفة ونص ليمونة حطيهم على النار يغلو. و اكيد البوطاجي يتغسل بالصابون و الجافيل
و في الاخير اللي متعرفش تطيب نورمال تجرب مرة 2 و 3 حتى تنجحلها الوصفة 😌👌
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:04 PM


Powered by vBulletin® Copyright ©2000 - 2020, Translated by. Translated by MeX-TeaM
--------------------------------------------------------------------------- ----------------------------------------------------------------------------